પ્રશાંત દયાળ (શતરંજ: પ્રકરણ-13): મુખ્યમંત્રી ગોવીંદરાય મહેતા સવારથી ગુસ્સામાં હતા. સવારે કેબિનેટ મીટિંગમાં તેમને મુડ સારો ન્હોતો. ત્યાર બાદ કેટલી ચર્ચા કરવા આવેલા આઈએએસ અધિકારીઓને પણ તેમણે ખખડાવી નાખ્યા હતા. સીએમ ઓફિસમાં બધાની વચ્ચે મુખ્યમંત્રીના ગુસ્સાની જ ચર્ચા હતી. જો કે કારણની કોઈને ખબર ન્હોતી, મુખ્યમંત્રીના અંગત સચિવ તોરલ મહેતાએ મંત્રી અમર ઠાકોરને ત્રણ વખત ફોન કર્યો હતો પણ તેમને ફોન સ્વીચ ઓફ આવતો હતો. ઠાકોર દિલ્હી ગયા હતા, ત્યાંથી પરત ફરી રહ્યા હતા, ચોથી વખત તોરલે પ્રયત્ન કર્યો ત્યારે અમર ઠાકોર સાથે સંપર્ક થયો તેણે મુખ્યમંત્રી યાદ કરે છે તેવુ સુચના આપી સાથે જ તેમનો ફોન કોલ્સ સીએમને ટ્રાન્ફર કરી આપ્યો, અર્ધો કલાકમાં જ અમર અમદાવાદ એરપોર્ટ ઉપર લેન્ડ થયા હતા, તેમની સરકારી કારની સાથે પાઈલોટ અને એસકોર્ટ કાર હાજર હતી. એરપોર્ટ ઉપરથી અમર ઠાકોર સીધા ગાંધીનગર સચિવાયલ જવા રવાના થયા, રસ્તામાં તેમને ફોન સતત ચાલુ હતા, ટાલ પડી ગઈ હોવાને કારણે વિશાળ કપાળ ઉપર થતો પરસેવો લુંછતા હતા. ડ્રાઈવરનું ધ્યાન જતા તેણે તરત એસીની સ્પીડ વધારી.
No comments:
Post a Comment