પ્રશાંત દયાળ: (શતરંજ: પ્રકરણ-8): બીજી તરફ ડેપ્યુટી કમિશનર વછરાજાની મંત્રીના ફોન પછી ડીસ્ટર્બ થઈ ગયા હતા. તેમને લાગતું કે કંઈ પણ સારૂ કરવા છતાં ક્રેડીટ મળી જ રહી ન્હોતી. ઓપરેશન અબ્દુલ પછી ચેનલો અને અખબારો જે રીતે રોપોર્ટિંગ કરી રહ્યાં હતા તેમને પણ રોકવાના હતા. વછરાજાની કોઈને ફોન કરી ઓફિસની બહાર નિકળ્યા ત્યારે તેમણે ઈકબાલને આવતા જોયો. તેમણે ડ્રાઈવરને કાર રોકવાની સુચના આપી. ઈકબાલ કારની નજીક આવતા તેમણે બારીનો કાચ નીચે કર્યો, તેમણે ઈકબાલ સામે જોયુ, તેમની આંખોમાં રહેલા પ્રશ્ન ઈકબાલ વાંચી શકતો હતો, તે પોતાનું મોંઢુ વછરાજાનીના કાન પાસે લાવ્યો કારણ કારમાં ડ્રાઈવર કમાન્ડો અને વાયરલેસ ઓપરેટર પણ હતા. ઈકબાલે નજીક આવીને કહ્યુ ‘ કામ હો ગયા સાબ’ ઠીકે બાદમેં બાત કરતે ’ તેમ કહી વછરાજાની ત્યાંથી રવાના થયા. તેમની કાર સીધી પાલડીમાં આવેલા બગડમ અખબારની કચેરીની બહાર ઉભી રહી. આદેશ આ અખબારમાં રિપોર્ટિંગ કરતો હતો. અખબારની કચેરીમાં દાખલ થયા પછી વછરાજાની સીધા આદેશના ટેબલ ઉપર ગયા, તેની પાસે જતા બોલ્યા ‘શુ આદેશ કુમાર અમારી પાછળ પડી ગયા છો’ આદેશે તેમની આંખોમાં જોઈ પુછ્યું ’‘ હુ પાછળ પડ્યો છું’ વછરાજાનીએ વાત વાળી લેતા કહ્યુ ‘ ના ના ભાઈ હું તો મઝાક કરી રહ્યો હતો. આ તો તારા તંત્રીનો ફોન આવ્યો હતો માટે ચ્હા પીવા આવ્યો છુ’ સાચી વાતો એવી હતી ખુદ વછરાજાની બગડમ અખબારના તંત્રી હિતેન માંગરોલીને સામે ચાલી મળવા આવ્યા હતા. તંત્રી હિતેનને કોઈ સંત્રી કે મંત્રી મળવા આવે તો મઝા પડતી હતી, તેમને મન તો ઘરે ભગવાન પધાર્યા હોય તેવો આનંદ થતો હતો.
આગળ વાંચવા માટે લિંક પર ક્લિક કરો - http://www.meranews.com/news-detail/shatranj-political-encounters-unveiled-part-8
No comments:
Post a Comment